Restaurant Dampfzentrale
Marzilistrasse 47
3005 Bern

Es het Parkplätz diräkt vor em Restaurant. Mir bitte aber aui wo sichs chöi irichte mit em Bus adsreise. Detailierti Informatione zur Areis finget dir hie.

restaurant-dampfzentrale.ch

Was üses Kennälernä abelangt, verzeuä mir beidi immer gärn ungerschiedlechi Versionä, drum überlö mir ds Verzeue vo derä Gschicht lieber Angernä…
Aber immerhin si mir üs einig wie das mit dr Verlobig isch gangä:

Sit Jahrä düe mir fasch jedä Abä zämä z Nacht chochä, so o a däm Zisti Abä irgendwenn im Herbst 2022. Nachemnä gmüetlächä Ründeli Joggä het dr Simu grad agfangä mitem Schnipplä vo Suppegmües, d Lilä het angeri wichtigi Chuchisachä erlediget (🧐) da isch die afänglech lockeri Unterhaltig über ds Erläbtä vom Tag plötzlech ines tiefgründigs Gspräch über ds gmeinsamä Läbä übergangä.

Ds Thema Hochzit isch scho paarmau ufem Tisch gsi, aber immer chli in weiter Ferne. A däm Abä het sechs aber plötzlech für beidi gar nüm färn agfüeuht und drum hei mir zämä entschidä, dass iz dr richtig Momänt da isch, dä stürtechnisch unvorteilhaft, aber für üs beidi Härzensentscheid, z träffä.

Irgendwie passend für üs, ohni grossi Gestä, het dr Simu d Lilä ds gliche gfragt wie d Chatz jedä Abä, bevor er ihm dr vou Napf häresteut:

— Wosch du das?? —

Da d Antwort d Antwort glich isch usgfauä wie die vom Jerry, het d Planig vo däm Hochzit chönnä startä.

Für Garderobätipps und ä strängä Dresscode si mir ächt die Fauschä. Da mir üs beidi aber für üsi Verhäutnis doch zimlech useputzä, fröiä mir üs um so meh übernä festlechi, summerlechi Garderobe vo üsnä Gäst.

Da mir scho chli länger zämä wohnä hei mir ä vouständigä Hushaut und üs fäuhts a nütt. Aber wie Lo&Leduc im 2015 hei mir nid so viu blaui Peperoni,  drum macht mä üs mitemnä chlinä Zuestupf a üses künftigä Eheläbä oder a üsi Flitterwuche in Sardinie die gröschti Fröid. Das isch üses gmeinsamä Konto: IBAN CH97 0023 5235 3305 0240 P